నిన్ను చూసేందుకే ....
నిన్ను చూసేందుకే
నేను ఒంటరినయ్యాను
నిన్ను పలకరించేందుకే
నేను మాటలు రానిదాన్నయ్యాను
నీతో సహచార్యానికే
నా దినచర్యను మరచిపోయాను
నిన్ను పూర్తిగా నమ్మినందుకే
నేను కన్నీళ్లను విస్మరించాను
నువ్వు స్మరించినందుకే
నా పేరును అపురూపంగా చూసుకుంటున్నాను
నువ్వు దగ్గర లేకున్నా
నీ నీడలా నిలుచున్నాను
నువ్వు దూరమైతే
నీ పాదాల చప్పుడును నా గుండె సవ్వడిగా మార్చుకున్నాను
ఉలి తాకితే శిల అయినా శిల్పంగా మారుతుంది
ప్రేమ స్పర్శ తాకిన ప్రతి గుండె గ్రంధంగా మారుతుంది
మహా కవనాలు సందర్శించిన మగువ కన్నులు
మహా కావ్యాలుగా మారుతాయి
వాస్తవం లో విలువల ప్రతిరూపం
నువ్వు నన్నొదిలి వెళుతున్న దృశ్యం
జీవితంలో విషాదంలో విషాదం
నిన్ను విడిచి నేను దూరమయ్యే సన్నివేశం !